နည်းပညာအထက်တန်းကျောင်း(နေပြည်တော်)တွင် အခမဲ့ကာလတိုသင်တန်းများ

Facebooktwittergoogle_plusredditpinterestlinkedinmailFacebooktwittergoogle_plusredditpinterestlinkedinmail

75b44b0e9c2e5d305fa323c6c51d3476_L

သင်တန်းအကြောင်းအရာ

ပညာရေးဝန်ကြီးဌာန၊ နည်းပညာသက်မွေးပညာနှင့် လေ့ကျင့်ရေးဦးစီးဌာန လက်အောက်ရှိ အစိုးရနည်းပညာ အထက်တန်းကျောင်း (နေပြည်တော်) တွင် ကာလတို သင်တန်းများကို ၂၀၁၇ ခုနှစ် ၊ ဇန်န၀ါရီလတွင် စတင်ဖွင့်လှစ်မည် ဖြစ်ပါသည်။

ကာလတိုသင်တန်းများမှာ အိမ်တွင်း လျှပ်စစ်ဝါယာသွယ်တန်းခြင်း (Electrical Wiring Installation) ၊ အီလက်ထရောနစ် အခြေခံ ကျွမ်းကျင်မှုသင်တန်း (Basic Electronics) ၊ အခြေခံ ဂဟေဆက်သင်တန်း (Fitting and Welding) ၊ အခြေခံ ကွန်ပျူတာသင်တန်း (Basic Computer) တို့ဖြစ်ပါသည်။

အိမ်တွင်း လျှပ်စစ်ဝါယာသွယ်တန်းခြင်း ၊ အီလက်ထရောနစ် အခြေခံ ကျွမ်းကျင်မှုသင်တန်းနှင့် အခြေခံ ဂဟေဆက်သင်တန်း တို့တွင် သင်တန်းသားဦးရေ ၁၅ ဦးသာ လက်ခံမည်ဖြစ်ပြီး အခြေခံ ကွန်ပျူတာသင်တန်းတွင် သင်တန်းသားဦးရေ ၃၀ အထိ လက်ခံ သင်ကြားပေးမည် ဖြစ်ပါသည်။

 

သင်တန်းဝင်ခွင့်အတွက် လိုအပ်ချက်များ

– မူလတန်းအောင်မြင်ပြီး အသက် ၁၈ နှစ် ပြည့်ပြီး အသက် ၄၀ မကျော်လွန်သူ ဖြစ်ရမည်။

– ပြည်ထောင်စု သမ္မတမြန်မာနိုင်ငံသားများ ဖြစ်ရမည်။

– လျှောက်လွှာမူရင်းတစ်စောင်နှင့်အတူ နိုင်ငံသား စိစစ်ရေးကတ် မိတ္တူတစ်စောင် ၊ လိုင်စင် ဓာတ်ပုံ ၃ ပုံ ၊ အကျင့်စာရိတ္တကောင်းမွန်ကြောင်း မြို့နယ်အုပ်ချုပ်ရေးမှူးရုံး သို့မဟုတ် ရဲစခန်းမှ ထောက်ခံစာမူရင်းများဖြင့် တင်ပြ လျှောက်ထားရမည် ဖြစ်သည်။

လျှောက်လွှာများကို အစိုးရနည်းပညာအထက်တန်းကျောင်း (နေပြည်တော်) တွင် ရယူနိုင်မည်ဖြစ်ပြီး ၂၀၁၇ ခုနှစ် ၊ ဇန်နဝါရီလ ၁၆ ရက်နေ့ နောက်ဆုံးထားလျှောက်ထားရမည် ဖြစ်သည်။

 

Contact Detail

ဖုန်း – ၀၉၄၄၈၅၃၆၂၀၀၊ ၀၆၇-၄၀၁၄၂၅၊ ၀၆၇-၄၀၁၄၂၆

Facebooktwittergoogle_plusredditpinterestlinkedinmailFacebooktwittergoogle_plusredditpinterestlinkedinmail